Ên Wielsmer ès ‘n aechte stad (joekadie, joekada)
Mèt sjün gebaawkes huug ên plat (j…)
Ên hèij ‘ne staein ên dao ‘ne staein
ên ze hèmmen alweer ‘n huus bijaein.
Èn Wielsmer hèmme ze ’n voehtbalploehg (j…)
Dat ès vir supporters al genoeg (j…)
Of ze verleeze of ze wènne
Ze stappe toch ‘t kantienneke bènne.
De fanfare Sint-Katrien (j…)
Dèi moetger ins èn aksie ziehn (j…)
Meziehk dat klinkter vreeg en laot
Ze bluuëze neechter zü goehd as zaot.
Èn Wielsmer hèmme ze ‘n fèin troempèt (j…)
Noendemieljaar dat dink dat flèt ((j…)
Ên vier dat dink te laote fieddele
Moet Jeukenem aon z’n knèpkes kiettele.
Èn Wielsmer hèmme ze Zjêf de Slaachter (j…)
Zoenner Zjêf zuiwmer noeg lang waachte (j…)
Ên hèij ‘ne brik ên dao ‘ne brik
Ên ziehg ins wat ‘ne zaol zü sjik.
Èn Wielsmer hèmme ze n’n akkordionis (j…)
Improvizèèrende troempêttis (j…)
Zjao hawt de maot gewêldig goehd
Al stampend mèt dèè zwuure voeht.
Vanne kèster dêrrig nee te vèèl vertèlle (j…)
Dichte daeiter wèi Gezêlle (j…)
Ma droehg ich m’n haor wèi ‘ne zjenie
Dan sakkerter van de zjallezie.
Èn Wielsmer hèmme ze ‘ne vaerkesbèèr (j…)
Noendemieljaar dèè daeitet gèèr (j…)
Ên smaerges luucher al te groemme
offer noeg gêin klante koehme.
Èn Wielsmer hèmme ze ‘ne fikteer (j…)
Dèè daeit ze waerek mèt vèèl plezeer (j…)
Ên hèij ‘ne breef ên dao ‘ne breef
Ên ve hèmme alweer e wèchsje leef.
Èn Wielsmer hèmme ze ‘n mèlkerèi (j…)
Dao brènge de buure de mèllek bijaein (j…)
Ên vier dèi mèllek tot buuëter te stütte
Moesser mèt ‘ne knèppel èn klütte.