Tekst en muziek: Georges Cuypers
De strieëk bü ich gebuure bèn,
bü m’n aarshuus nuiw noeg staeit,
bü ich mèt zister ên mèt broer
gedêild hèm leef ên laeid,
bü aoze pa mich altiehd zaag:
liehster mêr goehd nao mich,
het lip nee altiehd èève vlot,
oenthaad dêt mêr van mich.
Ên saoves azzich slaope goenk,
aos müdder mich e leedsje zoeng.
Jao, dat waos hèij èn Ziettendel
de paarel vanne strieëk,
bü ich mèt kammeraode loehp,
èn Taerep ènne Blieëk.
Bü ich bèn of bü ich gaon:
me Ziettendel trèk mich altiehd aon.
Bü ès d’n tiehd van Êiersjaef,
hèè sloehp èn de kebien,
hèij ieëveral hiel goehd bekand
duur z’ne zêppelien.
Ên Naarkes Tèis dèè goenk nao ‘t vêld
ma hèè haa uut verzieën
èn plaots van nuiw ‘ne wèkker mèt
bij zich de lantieën.
Ên vir ‘t sjaop te sjèère gaeine bang,
want daovier waos dao Mèèskes Sjang.
Jao, dat waos hèij èn Ziettendel …
Ên Kattestèèlke ènt Gebroehk
mèdden hèiske hiel van laeim,
ên haa ‘r hoenger kümmer mèt
‘n kruiker sjanse haeim.
Ên Giebbelewie dèè haa gèèn krêpkessajs
bij eederen êrpel ‘n krap.
Ên saoves wuurd weer trèg duur bos
op Wielsmer aongestap.
Ma begoste de kuurehaeip te guuën,
dan zuucher ieëveral spükke stuuën.
Jao, dat waos hèij èn Ziettendel …
D’n tiehd jao, dèè veraanert nèig
– en toch èsset nuiw aech hiel sjün –
ma züvèèl dat aos noeg dinke daeit
aon d’n tiehd van tün,
bü paot ên pa tesaome noeg
gewaaneld ên gelèèfd
ên vèè èn dieëze glorietiehd
hiel gët hèmme belèèfd.
Ên nuiw zèk ich oech, groeit ên fèl:
kom blèigezind nao Ziettendel!
Jao, dat waos hèij èn Ziettendel …
Klik hier om dit lied te beluisteren