Op de melodie van ‘Ik Kan Het Ma’ van Jan De WIlde
Tekst: Jean Cops & Jos Bamps
Bèèr van Maare de fikteer
dèè hilt van borrels ên gêt beer
Bij Lêmmes klopter oppe dier
ma Müddeke ès oppe zwier
Hèè gaeit dan mêr ins aachterim
Ma wèèrdt op slaog weer slaechgezind
Tès hèij al lang nemie caffee
de bès èn het Oo See Êm Wee
Mêh dat kan nee, naein dat kan nee
Ich loehp toch duur het pèèdsje
Duur het Maarepèèdsje
Pietters Tèis, Maeister Mienjao
Jeu van Siehmes rééptem nao:
Wilder krèèm mèt goehje raim
Ofwaol e ‘stoefke’ vier de vraw?
Hèè draeist nee, pakt zich weer bijaein
Vèndt kall dao bij den dikke staein
’t Ès Zjêfke dèè nao Bertha gaeit
De sop bij Dien dèi ès al haeit
Ich kaom al, Dien, ich kaom al
Ich laaip al duur het pèèdsje
Duur het Maarepèèdsje
De staot ès hie verannewèèrd
Bü ès de kiehper mèt ze pèèrd
Hèè ’s zieëker weer nao Jan de Smieëd
Den haom waos weer ins uut ’t lieëd
De Klokke duun al bim ên bam
André van Toontsje hilt van zang
De Boenten Aoved oppe sèèn
Ên Marta spèèlt weer ins zü gèèn
Wat èsset taerep stil ên sjün
De minse braaf ên hiel gewün
Ên Bèèr van Maare ènne hits
Bringt breeve roend op z’ne fits
Ich vaor al, jao, ich vaor al
Ich vaor al duur het pèèdsje
Duur het Maarepèèdsje
