Maeister Jean,
ich kaom maerge wersjèinlek nee nao sjaol
ên ieëvermaerge zal aach laestig guuën
ên zieëker de wèèk dèi kimp
of zêllefs de maond ternao
ich kaom nemie, dat moedder toch verstuuën
Ên tès nee, maeister Jean
oemdat ge ‘ne pik op mich hè
ên mich aeine kier “stoemmen ieëzel” hèb geneemd.
Ma het zit hèij vanbènne
tès gêin avans daddich oentkèn
maeister Jean,
ich veel daddich ‘ne ruimtevaarder bèn.
Zèg nuiw zêllef, maeister Jean
wat kèpste èn’t heelal
mèt de taofels van vermeenigvuldiging,
sjün sjrif of blokflaeit spieële, wèèrd mèt deetee?
Zèg nuiw zêllef, dat hèèt op Mars g’n inkel zin.
Ên tès nee, maeister Jean
oemdat ge mich zü dèk straaf
of mich vir hiel de klaas “stoemmen ieëzel” hèb geneemd.
Ma ich moet planeete zeeke
ènne huuëp dat dao gêt lèèf
maeister Jean, dat ès de plich
dèi eelke ruimtevaaarder hèèt.
De koempleminte, maeister Jean
aon de raes vanne klaas
ên zèg ze dat ich hin nüts vergèète zal
gèèf m’n pênneduus aon Zjos van Kiepke oppe lèste bank
dat ès m’ne kammeraod, al wün ich èn’t heelal.
Zü, maeister Jean,
alles ès zügêt gezaag
addie, adieu, mêrsie ên haddoech goehd,
ên wat dèi baggetêl betraef
dadder mêint daddich ‘ne “stoemen ieëzel” bèn
maeister Jean, dao zit ‘ne ruimtevaarder nee mèt èn.
Ên vier ich het vergèèt
Allies van Manneskes uutte Daol,
maeister Jean, kimp dinkelek aach nemie nao sjaol …
Klik hier om het lied te beluisteren