Op de melodie van Raglan Road
Tekst: Maarten Cops
Dialect: Jos Bamps
Lêngs d’n Aasserwèèg, oppe buuëve,
deep z’n wortels ènne groend
Staeit ‘n drèf mèt bêim, zü huug ên sjün,
bü ich m’n rès wol voend
Ên as ich ze zeen dèi boente praach,
dat machtig beeld van kraach
Dan kimp de rès ên gaeit de smart,
tèsset plèètske van m’n hart.
Al van joengzevaon, gief dèi rêi mèt bêim,
mich ‘t geveel “hèij bèn ich vrij”
Ich spèèld’ ên loehper toch zü vèèl,
soems gêt kaod ma dèk aach blèi
‘ch Sproenger ènne graach ên striehlde zaoch
eelke baaimdèè ‘ch tieëgeküm
Jao eelke krêts èn eelke stam,
kèn ich allemaol sins tün
Refrein
Ma de drèf mèt bêim, mèt z’n praach ên praol,
waos soems zü hêl as staol
Ên dat zaergde dan vir vèèl verdreet,
want voertguuën deeg ze nee
Ma hiel gèèn gezieën, dat daach ze toch,
hèèt ze lèèves waeg gepak
Jao ve hèbbe ze, nao de hèl gewins,
eelek blaod mèt stam ên tak
Refrein
Ên èn dieëzen tiehd van veranering,
ziehn de minse mar êin zaok
Dat de straot bü op m’r althiehd lèp,
mar sjün ès, nùiw gemaok
Ma ze kiekke nüts nemie emuuhg
èn ziehn dus nee de praach
Van dèi drèf mèt bêim op d’n Aasseerwèèg,
dèi zaochtekes nao hin laach
Refrein
